Oʻqishga tavsiya etamiz!
✍️ Ahmad Lutfiy Qozonchi
📜 Ahmad Lutfiy hozirgi zamon adibi, tarixchi olim. Biz e’tiboringizga havola etayotgan «Saodat asri qissalari» kitobi Saodat asridan hikoya qiluvchi olti jildli asardir. Kitob to‘la holida Janobi Payg‘ambarimiz alayhissalomning tug‘ilishlaridan to vafotlariga qadar muborak hayotlarini kamrab oladi. Xuddi shu mavzuga bag‘ishlangan boshqa asarlardan farqi muallif aniq tarixiy voqea-hodisalarni o‘ziga xos badiiy yo‘sinda aks ettirganidir. Natijada u g‘oyat o‘qishli chiqqan. Bu kitoblarning mashhur bo‘lib ketganini shundan ham bilsa bo‘ladiki, asar to‘rt marta nashr kilingan. Sizlarga ham yoqadi, degan umiddamiz.
#kitobdan_parcha
Ba’zi odam umrida bir marta, faqat bir martagina ro‘yi-rost turib “olg‘a!” deyish uchun tug‘iladi, uzoq ham yashamaydi. Modomiki, shunday ekan, umrning uzun-qisqasi yo‘q.Dunyoga kelib, bir shamcha yalt etib ketmagan umr umrmi? Odamdan “Qancha yashading?” deb emas, “Dunyoga kelib nima qilding?” deb so‘rash to‘g‘ri bo‘ladi.Birov butun bir kitob yozadi… Boshqa birov “ship” etgan tovush eshitsa, kirpiga o‘xshab boshini ichiga olib yashaydi… Eh, hayot, hayot! Naqadar murakkab narsa! Men shu hayot kitobiga bir vergul qo‘yolsam, jon derdim.
kitoblari
Asar nomi: Momoqaymoq
Muallif: Rey BredberiYoz tugamaydi…» — Rey Bredberi va bugungi anomal issiqlar
Kitobda yoz fasli — bolalik xotiralari, beg‘uborlik, hayotning mayin zavqlari bilan to‘la. Har bir quyoshli kun – quvonch manbai. Ammo bugun biz boshqacha yozni boshdan kechiryapmiz.
Anomal issiqlar, cho‘llanish, suv tanqisligi – bular allaqachon fantastika emas, haqiqat. Global isish bizni yoz fasliga boshqacha qarashga majbur qilmoqda. Bredberi yozni abadiy saqlab qolmoqchi bo‘lgan edi, biz esa uni qanday to‘xtatishni o‘ylayapmiz.
Agar siz ham yozni faqat issiq emas, balki ichimizdagi yorug‘lik, xotira, umid sifatida his qilishni istasangiz – Momaqaymoqni o‘qing. Bredberining yoz fasli sizni ichki dunyoyingizga sayohatga chorlaydi — va ehtimol, tashqi dunyoni saqlab qolish ilhomini ham beradi.
Men adabiyotni qismatim deganman…Oʻzbekiston xalq yozuvchisi Shukur Xolmirzayev ijodining ilk davridan to umrining soʻnggi damlariga qadar hikoya, roman, qissa, esse, dramatik asarlar yozish bilan bir qatorda adabiyot, sanʼat, adabiy jarayon, milliy qadriyatlar, maʼnaviyat va maʼrifat bobida maqolalar yozib, jamiyatning bir ziyolisi sifatida oʻz qarashlarini bildirib keldi.
Osmondan tushgan pul
OʻZBEKISTON xalq yozuvchisi Oʻtkir Hoshimovning asarlarini sevib mutolaa qilamiz. Buning boisi,adib asarlarining jozibadorligi, xalqchilligida.Adibning hajviy hikoyalarida ham ana shu jozibadorlik, samimiylik ustuvorlik qiladi.Ushbu kitobdan Oʻtkir Hoshimovning ,,Jinni boʻlish oson ekanʼʼ, ,, Shaharlik kuyovʼʼ , ,,Gʻaroyib sayohat ʼʼ ,, ,,Oshʼʼ ,,Yubileyʼʼ ,,Omadli jentelmenlarʼʼ kabi hajviy hikoyalari oʻrin olgan.
Xoʻjayin va xizmatkor
Lev TolstoyUshbu toʻplamda buyuk rus adabiyoti namoyondalaridan biri boʻlmish Lev Tolstoyning eng sara hikoyalari jamlangan.
Hikoyalarda inson ruhiyatining turfa qirralari shu qadar mahorat bilan ifodalanganki, ular oʻquvchining yurak-yuragiga yetib boradi, mulohazaga chorlaydi.
Toʻplam barcha kitobsevarlarga manzur boʻlishiga ishonamiz.
Ushbu kitob Muzrabot tumani Axborot-kutubxona markazida mavjud. Siz azizlarni mutolaa qilishga chorlab qolamiz.
Hurmatli kitobxonlar!E’tiboringizga kutubxonamizda mavjud bo’lgan kitoblardan olingan parchalarni havola etamiz.
Safo Saygili.
Qaynona — kelin vazifalari.«Qaynona -Kelin vazifalari Oila jamiyatning asosidir. Millatning baxti, osoyishtaligi, taraqqiyoti oilalarning mustahkamligiga bog’liq.Biz sizga tavsiya etayotgan kitob muallifi turli yoshdagi oilalarga baxtli hayot kechirishga yordam berishni niyat qiladi. Havas qilsa arzigulik oila qurish tamoyillari, oilaviy muammolarni hal qilish yo’llarini ko’rsatadi.
Sizlаrga ushbu kitobni o’qib ko’rishni tavsiya etamiz.Sodiq poezddan tushib, tog’asinikiga yetib kelguncha kun peshindan og’ib, o’lik chiqarilib bo’lgan edi. Faryod urib, qarshisiga ilk chiqqan kelinoyisi bo’ldi. Uning sochlari to’zg’igan, boshyalang, beliga qora shol ro’molini ikki aylantirib o’ragan, rangida qon yo’q.
-Tog’angizdan ajralib qoldik, Sodiqjon! Sho’rimiz qurib qoldi, Sodiqjon! — deb uning yelkalariga qo’lini tashlab yig’lardi. Uning tovushi xirillar kechadan beri faryod uraverib bo’g’ilgan bo’lsa kerak.
Sodiq kelinoyisni ovutmoqchi bo’lardi-yu, o’zi o’pkasini bosib ololmas edi. U tog’asining ta’ziyasida uch-to’rt kun qolib ketdi. Yoshgina qo’shni yigit har kuni shinelda chiqib Sodiq bilan eshikda turdi. Ismi Qobiljon ekan. Oyog’ida harbiycha kirza etik. Boshida manglayidan yulduzi olingan shapka. O’zi qizday muloyim xushmuomala, kelgan-ketganga bukilib salom beradi.
Shuhrat. «Oltin zanglamas»
Adabiyotda ham yozuvchilarning qalam tebratishiga muhabbat sababchi bo’lgan.
Ana shunday ayol qahramon bo’lgan klassik nashrdagi kitoblarni bir joyga yig’dik.1. Stefan Sveyg: «Noma’lum ayol maktubi»
2. Uilyam Folkner: «Emili uchun atirgullar»
3. Gi De Mopassan: «Marjon shodasi»
4. Kobo Abe: «Qumdagi xotin»
5. Emili Bronte: «Bo’ronli davon»
Insoniyatning bugungi ahvoli: falsafiy-psixologik maqolalar/ B.Rassel, A.Shopengauer, E.Fromm, Z.Freyd, J.Oruel, K.G.Yung.
Toshkent: Yangi asr avlodi, 2024. -176 b.
«Bugun insonning baxti «lazzat olish»dan iborat». Frommning ushbu fikri o’tgan asr kishisiga aytilganiga qaramay, hali anchagacha dolzarb. Hozirgi odam – iste’molchi. U uchun hamma narsa muhayyo. U, xuddi Fromm aytganidek, sifatli ichkilik, lazzatli ovqat, ulkan siy- nalar ortidan nay ovoziga sehrlangan kalamushdek ketib boryapti. “Insoniyatning bugungi ahvoli” to’plamida jahonning buyuk intellektuallari odamzodning buguni va ertasi, uning psixologik holati, ta’sirchanligi va buning oqibatlari bo’lmish dahshatli urushlar haqida fikrlaydilar va o’z bashoratlarini bildiradilar.
ISBN 978-9910-790-14-0
«Ibn Sino qissasi» Mirkarim Osim
E’tiboringizga havola etilayotgan kitob bizga ilm darvozalarini ochgan buyuk allomalarimizning qismati haqida hikoya qiladi. Ulardan biri butun dunyoda «Avitsenna» nomi bilan tanilgan Abu Ali ibn Sino bo‘lsa, yana biri Muhammad Muso al-Xorazmiydir. Qanday zamon va qanday makonda yashashidan qat’i nazar o‘z maqsadlari yo‘lidan qaytmagan, ortidan yaxshi nom qoldirish niyati bilan to‘lib-toshgan bu buyuk siymolar nomini bugun butun dunyo ilm ahli e’tirof etadi. Ular bosib o‘tgan yo‘l, ularni ilm olishga undagan ichki qudrat, ular qoldirgan boy ma’naviy meros haqida to‘liq tasavvurga ega bo‘lishlarini istaganimiz siz aziz kitobxonlarga buyuk ajdodlarimiz hayoti ibrat bo‘lishiga ishonamiz.
Xalq ma’naviyatini boyitish yo‘lida olib borilgan kurashlar, milliy matbuot, adabiyot va teatrning odamlar tafakkurini oshirishdagi ahamiyati haqida asarlarida kuyunib yozgan, bu borada fidoyilik ko‘rsatgan, alaloqibat qatag‘onga uchraganlar haqida so‘z borarkan, Abdulla Qodiriy, Abdurauf Fitrat, Abdulhamid Cho‘lpon, Abdulla Avloniy, Mahmudxo‘ja Behbudiy, Munavvar qori Abdurashidxonov, Usmon Nosir, Is’hoqxon Ibrat siymolari ko‘z oldimizda gavdalanadi. Ular o‘z asarlarida ko‘targan muammolar hamon bizning qarshimizda bo‘y ko‘rsatib turibdi. Biz hamon «millatni uyg‘otish uyg‘onganlarning vazifasi» degan chorlovga munosib javob qaytarolganimiz yo‘q.
«Jadid adabiyoti namoyandalari» ruknida tayyorlangan kitoblarimizni o‘qir ekan, kitobxon o‘zini shu vatanning ongli fuqarosi, vatani va millati taqdiri uchun mas’ul inson sifatida namoyon qilishga o‘zida jur’at topadi.
Yulduzlar mangu yonadi Tog’ay MurodOdamlaru –odamlar, tog’da bitgan bodomlar, eshitmadim demanglar! Bugun hamma Zulfiqor polvonnikiga sunnat to’yga,he-ye-ye-ye-yey! Chu jonvor!
Egar qoshiga to’n solib olish jarchi guzarma-guzar ot o’ynatdi.Xo’jasoat qishlog’I ahlini to’yga chorladi.Xiyol o’tmadi to’y bekasi otda eshikma-eshik yurdi.
Hurmatli kitobxonlar!E’tiboringizga kutubxonamizda mavjud bo’lgan kitoblardan olingan parchalarni havola etamiz.
Said AhmadJimjitlikJimjitlik romanida sovet davridagi rahbarlarning chirkin hayoti, ezilgan oddiy xalqning turmush tarzi, uzoq yillar rahbarlar taziyqi ostida Afrikada yashagan, ayoli va farzandidan ayrilib uyiga qaytgan Tolibjon, boylik va mansab uchun har qanday jirkanchlikka tayyor xotinboz rais Mirvali, otasi oʻldirilib, onasi Mirvali tomonidan tortib olingan Azizbek kabi insonlar taqdiri hikoya qilinadi. Romanning oxirida Mirvalining «kallakesar»larining xatosi oqibatida Tolibjon vafot etadi va roman Mirvali Azizbek tomonidan o’ldirilishi bilan tugaydi.
… Oradan chorak soat vaqt o‘tar — o‘tmas chol tahorat olish uchun hammom sari ildamladi. Yelim oftobada suv olib devor bo‘ylab yurib archalar yonida cho‘nqaygan chol orqasidan allanima guvillab uchib kelayotganini his qildi-da, tuyqus o‘girildi, o‘zi tomon shamol tezligida jon jahdi bilan otilayotgan ulkan itni ko‘rdi. Miyasida chaqmoq chaqqanday bo‘ldi. Bahaybat it unga zarbu zabtda urilib tanasini tilka-tilkalab tashlashi oniy holatda shuuridan kechib oyoq – qo‘li uvishib baqrayib qoldi…
Qo‘chqor Norqobil“Bu yerlarda hayot boshqacha” kitobidan
Hurmatli kitobxonlar!E’tiboringizga kutubxonamizda mavjud bo’lgan kitoblardan olingan parchalarni havola etamiz.
Seljuk O’zyurt
KitobchiOtasining istagi bilan huquqshunoslik fakultetiga o’qishga kirgan Jan vaqt o’tib, universitetni a’lo baholarga tamomlaydi. Faqat necha yillardan beri xayolining bir burchagini band qilgan “kitob do’koni ochish” niyati advokat bo’lish istagidan ustun keladi. Falakning gardishi kun kelib uni “Istiqlol” ko’chasida joylashgan o’ta hashamatli kitob do koni sohibiga aylantiradi. Kitoblarga to’la bu xazina makoni Janning butun dunyosini asta-sekinlik bilan o’zgartira boshlaydi. Hayotidagi tayinsiz ishq-muhabbat, odatiy kun kechirishlar endi uning ruhiy olamiga xursandchilik va baxt keltirmay qo’yadi. Huzursizlik qamrab olgan olamida unga yordam qo’lini uzatgan Usmon bey Janning yashash tarzi va ichki dunyosi o’zgarishida muhim ro’l o’ynaydi.Maqsud QoriyevIbn sinoDunyo ahli Abu Ali Ibn Sinoni tibbiyot sohasining tengsiz arbobi sifatida taniydi. Biroq alloma umri davomida boshqa fanlarda ham qator izlanishlar olib borib, ko’plab sohalarda salmoqli yutuqlarga erishgan. Asarni o’qish jarayonida allomaning butun hayoti og’ir darbadarlikda yaqin insonlariga nisbatan sog’inch hissi bilan o’tganligiga guvoh bo’lasiz. Ibn Sinoning shunday og’ir sharoitlarda ham tinmay ilm-fan bilan shug’ullanib, xastalarni davolaganligi tahsinga sazovordi. Ishonamizki, roman mana shu tomonlama o’z oldiga ulkan maqsadlarni qo’ygan yosh kitobxonlarimizga ruhiy dalda bera oladi!
Shoikrom uxlamadimi, yo
qmi, bilolmadi... ... Ayvon chirogini yoqishi bilan qulupnay pushtasida muk tushib yotgan odam gavdasini kordi-yu, dahshatdan qotib qoldi. Shu ondayoq xato qilganini, qotillik qilganini payqadi. Sim uchini shartta ilgakdan yulib olib, hovliga otildi. “Boshqalari qochdi” degan fikr lip etib xayolidan otdi. Pushtalar ustida sakrab-sakrab yurib borarkan, oyogi botib ketayotganini payqadi. Keyin gujunak bolib yotgan odamdan uch qadam beriroqda toxtadi-yu, birdan chokkalab qoldi. Bir lahza kozlari olayib tikilib turdi-da, koksidan shamol guvurini ham, o`z vujudini ham larzaga soluvchi bir nido otilib chiqdi:Oyi-i-i!
U boshidan hushi uchib borayotganini elas-elas his qilib o
zini erga otdi. Titroq qollari bilan loy changallagancha chokkalab koksiga mushtlay ketdi.Oyi! Oyijon !….
kitob.
Oydin Hojiyeva o’zining nafis va mayin she’rlari bilan uning har bir asari ko’ngilda buloqday qaynab yotgan yoshlik tuyg’ulari,tabiatning zumrad chiroyi o’zbek ayolining ipakdan-da mayin hayollaridan dunyoga kelgan. Shoira sizning dilkash suhbatdoshingiz bo’lib qoladi deb umid qilamiz
• Moturudiya ta’limotining eng yorqin vakili Abul Mu’in Nasafiyning «Tabsirat al-adilla» asarida Moturidiy haqida keltirilgan bir rivoyat uning islom olamida ilmiy mavqeyi juda katta bo’lganidan dalolat beradi.
• Asarda ta’kidlanishicha, agar Ubu Mansur Moturidiy ustozi Abu Nasr Iyodiyning darsida ayrim sabablarga ko’ra ishtirok ermay qolsa yoki kechiksa, hatto ustozi o’z shogirdiga nisbatan cheksiz hurmatli va muhabbatining izhori sifatida o’sha darsda Moturidiy hozir bo’lmaguncha biror so’z ham aytmas ekan.
• Agar u Moturidiyni uzoqdan bo’lsa-da, darsga kelayotganini ko’rib qolsa, xursandligidan taajjub bilan unga tikilib qolar va Qasos surasining 68-oyatini o’qir edi.
• Bu Imom Moturidiyni nafaqat asarlarli, u zotni ustozlari oldida ham mavqeni Alloh taolo oshirib qo’yganidan dalolat beradi.
Moturidiy hayotlarini dasturi amal etmoqchi bo’lganlar uchun ushbu romanni tavsiya etamiz.
Bevafo ko’p ekan Muhammad YusufElimizning ardoqli va suyukli shoiri Muhammad Yusufning ushbu to’plamidagi she’rlar o’zining xalqona ruhi, sodda va samimiyligi, ohanglarining quyma hamda ravonligi bilan o’quvchini o’ziga rom qiladi, tafakkur va tasavvur, hayol va hayrat olamiga yetaklaydi.
Garchi to’plamga jamlangan she’rlarda bu olamdagi azaliy hamda abadiy mavzular -ishq-muhabbat, sevgi-sadoqat, ona yurt va milliy g’urur kabi yuksak insoniy tuyg’ular qalamga olinsa-da, ularning talqinidagi dilga egizak so’zlar jozibasi har bir kitobxonning ko’ngil torlarini chertib yuborishga qodir.
Shu sababli ushbu kitobni siz aziz kitobxonga ham ilindik
Aziz kitobxon! Ushbu asarni Axborot-kutubxona markaziga tashrif buyurib foydalanishingiz mumkin.
«Temur tuzuklari» («Tuzuki Temuriy») «Malfuzoti Temuriy», «Voqioti Temuriy» nomlari bilan
ham atab kelingan. Ushbu asar fransuz, ingliz, urdu, rus va eski o‘zbek tillarida chop qilingan.
«Temur tuzuklari» podsholarning turish-turmushlari va odob-axloq normalarini belgilab beruvchi asar hisoblanadi. Asarda jahongir Amir Temurning yetti yoshidan to hayotining so‘nggigacha kechgan ijtimoiy-siyosiy hayoti, harbiy yurishlari, taxt vorislariga vasiyat va pand-nasihatlari ixcham bayon etilgan. Asarni o ‘qigan o ‘quvchi Amir Temur davri va o ‘sha davr ijtimoiy-siyosiy hayoti haqida to‘laqonli tushunchaga ega bo‘libgina qolmay, muhim va original ma’lumotlardan xabardor bo‘ladi.
Ota o‘zining murg‘ak yoshdagi o‘g‘liga, ichiga kattagina apelsin mevasi joylashtirilgan, og‘zi tor shisha idishni ko‘rsatdi. Bola buni ko‘rib hayron qoldi. Apelsin mevasini uning ichidan chiqarib olishga urinib ko‘rdi. Harchand urinmasin uning harakatlari zoye ketdi.
— Ota qanday qilib bu og‘zi tor shisha idishga katta apelsin mevasini joylashtira oldingiz? — dedi xayratini ichiga sig‘dira olmay.
Ota o‘g‘lini uyidagi boqqa olib chiqdi. Bir og‘zi tor shisha idishini olib keldi-da, yangi meva tuggan apelsin daraxti tanasiga bog‘ladi. So‘ng juda kichik mevalardan birini uning ichiga kirgazib qo‘ydi va uni tark etdi. Kunlar o‘tar, apelsin mevasi kun sayin kattalashar edi. Oxir oqibat mevani shisha idish ichidan chiqarib olish imkonsiz holga keldi. Shundan keyin bola kichik shisha idishga solingan katta mevaning “sirini” tushunib yetdi va undagi taajjub yo‘qoldi. Ota o‘g‘liga:
— Ey o‘g‘lim, yaqinda sen ko‘p odamlarga ro‘baro‘ kelasan. Ular zakovatli, madaniyatli, ma’lumotli bo‘lishlariga qaramay, o‘z bilim darajalari va mavqelariga nomunosib xatti-harakat qiladilar va jamiyatda qadrlangan go‘zal axloq odoblarga zid bo‘lgan bema’ni ishlar bilan shug‘ullanib yuradilar. Chunki bu kabi yomon odatlar ularning yoshligida qalblariga ekilgan. Ular ulg‘aygan sayin, qalblaridagi illatlar ham kattalashib boraveradi. Keyin esa, og‘zi tor shisha idish ichidagi apelsin mevasini chiqarishning iloji bo‘lmaganidek, bunday razil illatlardan ham kutilishning iloji bo‘lmaydi, — dedi.
Farzandlarimizga yoshlik chog‘laridan go‘zal fazilatlar, ma’naviy boyliklarni ta’lim berishimiz va ularning qalblariga boshqalarga nisbatan muhabbat urug‘ini ekishimiz lozim. Zero, yoshlikdagi bilim — toshga o‘yilgan naqsh kabidir.
«Farzandga 700 sabok»
kitobidan
Nodon qilolmaydi yashab yoshini.
Dono bir kunida ming yil yashaydi
Nodon ming yilda ham yig’mas hushini.
Tohir Malik
Leonardo da Vinchi haqidagi «Dunyo Daholari» seriyasiga oid kitoblar, uning ilmiy va san’at daishlari, ixtirolari va kashfiyotlari bilan tanishtiradi. Leonardo nafaqat san’atchi, balki ilm-fan sohalarida ham katta yutuqlarga erishgan kishi edi. Uning hayoti va ijodi juda ko’p jihatlari bilan murakkab va qiziqarli, shuning uchun bunday kitoblar o’quvchiga uning dunyoqarashini va dahosini yaxshiroq tushunishga yordam beradi.
Agar bu kitobni o’qishni istasangiz, bizning kutubxonaga tashrif buyuring.
Otabek Mahkamov: «Yuksaklik sari tasodif bo’lmagan 100 ta uchrashuv»• Har bir insonda taqdirini oʻzgartirib yuboruvchi va kelgusi hayot yoʻlini belgilab beruvchi uchrashuvlar boʻladi. Otabek Mahkamovning omadi shundaki, uning umr yoʻlida butunboshli kitobga jamlasa boʻladigan koʻplab ana shunday uchrashuvlar yuz bergan.
• Uning yuristlik va oʻqituvchilikdan tortib aktyorlik, jurnalistik, teleboshlovchilik, blogerlik hamda motivator notiqlikka qadar boʻlgan yorqin kasbiy faoliyatidan kelib chiqadigan boʻlsak, buning ajablanadigan joyi yoʻq.
• Ushbu kitob qahramonlari orasida Hillari Klinton, Gordon Ramzi, Antonio Banderas, Devid Kopperfild, Enrike Iglesias, Farrux Zokirov, Daniel Redkliff kabi mashhur insonlar hamda dunyo miqyosidagi yulduz boʻlmasa-da, koʻpchilikka taniqli shaxslar bor. Shu boisdan mazkur kitobda jamlangan tasodif boʻlmagan har bir uchrashuvning oʻziga xos qiziqarli tarixi bor.
• Kitob hayot, uning darslar, quvonchlari, fojialari, yoʻqotishlari va gʻalabalari haqida. Undan barcha zamon va xalqlarga xos hazil-mutoyiba, teran mulohazalar, oʻtkir mushohadalar, tarixiy misollar hamda hikmatli soʻzlar ham oʻrin olgan.
Muallif ushbu ijodiy loyihadan tushgan mablag‘ning bir qismini O‘zbekistondagi og‘ir kasalliklarga chalingan va dori-darmonga moddiy imkoni bo‘lmagan bolalarni davolash uchun ajratishni rejalashtirgan.Hajmi: 680 bet
«Kitob mavzusi — “Oʻzbekistonda yana bir kun”. Bir kun — bu bir umr. Bir kun ichida nimalar boʻlmaydi, kimlar oʻlmaydi, tugʻilmaydi, kimlardir katta yutuqlarga erishadi, kimlardir esa aksincha, katta yoʻqotishlarga duchor boʻladi. Chunki bir kun — bu tez oʻtib ketayotgan umrimizning muhim sahifasi.
Men uchun, kitob 10 kundan iborat. Ya’ni Oʻzbekistondagi 10 kunlik hayot metaforik tarzda qahramonlar hayotida asosida tasvirlangan. Uning boshidan kechirgan voqea-yu hodisalar yuqorida aytganimdek: sahna ortidagi spektakldek gavdalantirilgan.»
Nozima XoshimovaIjodkor yozuvchi asarida insonning ichki kurashlari va hayotdagi ma’nolarni izlash jarayonini o’ziga xos tarzda tasvirlaydi.
Uch aka-uka – Alyosha, Dmitriy va Ivan – har biri o’zining individual qarashlari, g’oyalar va hayotga qarashlari orqali insonning axloqiy dilemmasini yoritadi. Bu asar, o’quvchiga nafaqat falsafiy savollarni beradi, balki insoniyatning eng chuqur tuyg’ularini ham ochib beradi.
«O‘zbek adabiyotining durdonalari: Qodiriy va Cho‘lpon bilan yaqin o‘tmishga sayohat»
Abdulla Qodiriy – “O‘tkan kunlar”Tariximizning oltin sahifalarini ochib bergan asar. “O‘tkan kunlar” – bu o‘zbek milliy adabiyotining ilk romanlaridan biri bo‘lib, sevgi, sadoqat, va halollik kabi insoniy qadriyatlarni yuksak darajada talqin etgan. Asardagi obrazlar, milliy urf-odatlar va tarixiy voqealar bugungi avlod uchun ham katta saboqdir. Bu kitobni o‘qish orqali siz nafaqat ajdodlarimiz hayotini his qilasiz, balki o‘zligingizni, milliy qadriyatlarni qayta kashf etasiz. O‘zbek kitobxonining javonida bo‘lishi shart bo‘lgan nodir asar!
Abdulla Qodiriy – “Mehrobdan Chayon”“Mehrobdan Chayon” – bu adolat va yovuzlik o‘rtasidagi kurashni teran tasvirlagan asar. Abdulla Qodiriy bu roman orqali millatning dardu hasratlarini, jamiyatdagi ijtimoiy muammolarni ajoyib tarzda yoritib bergan. Ushbu kitob bugungi zamon uchun ham dolzarb, chunki undagi mavzular haligacha aktual – inson huquqlari, halollik, va ma’naviy poklik. Bu romanni o‘qish har bir o‘zbek kitobxoni uchun adolat va vijdon yo‘lida ilhom manbaiga aylanadi.
Cho‘lpon – “Kecha va Kunduz”Millat va inson erkinligi uchun kurashning adabiy asari – “Kecha va Kunduz”. Cho‘lponning bu romani milliy uyg‘onish davrining eng yorqin ifodasi bo‘lib, inson qalbidagi kurashlar va milliy o‘zlikni anglash jarayonini chinakam badiiy kuch bilan aks ettiradi. Asardagi har bir satr o‘quvchini chuqur o‘ylashga, millat va kelajak haqida fikr yuritishga chorlaydi. Bugungi kunning yosh avlodi uchun bu asar millatning qayta uyg‘onish ruhini his etish uchun haqiqiy yo‘lboshchidir.
Ushbu asarlar bizning tarixiy merosimizni anglash va hozirgi zamonda milliy qadriyatlarimizni qadrlash uchun ko‘prikdir. Har bir satrini o‘qish orqali siz ajdodlarimizning ma’naviy boyligini chuqur his qilasiz.
O‘qing, o‘ylang va milliy ongimizning bu yuksak durdonalaridan ilhom oling! “Emma” — Jeyn OstinO’ziga ishongan va bag’rikeng Emma Vudxaus bilan tanishing. Bu qahramon o‘z xatolari va to‘g‘ri qarorlaridan dars oladi, sevgi va do‘stlikning yangi qirralarini kashf etadi. Austenning hayotiy yumori va o‘tkir satirasi sizni hayratga soladi.
“Ikki Diana” — Aleksandr DyumaSarguzasht, sevgi va intriga bilan boyitilgan bu asar sizni Fransiya saroylariga, siyosiy o‘yinlar va sirli taqdirlarga olib boradi. Dyumaning unutilmas uslubi bilan yozilgan tarixiy epikadan bahramand bo‘ling!
“Jenni Gerxardt” — Teodor DrayzerTaqdir yo‘llari bilan kurashgan Jenni bilan birga, hayot va sevgi sinovlaridan o‘tishga tayyormisiz? Drayzerning nozik tasvirlari va hayotiy falsafasi bilan to‘la bu asar ko‘nglingizni zabt etadi.
“Bovari xonim” — Gustav FloberFransiyaning kichik shaharchasidagi Bovari xonimning tashna hayotini ochib beruvchi asar. Orzu va haqiqat orasidagi kurash va inson qalbining eng nozik tomonlarini kashf eting.
Bu klassik asarlar bizni insoniy tuyg‘ular, sevgi, sadoqat va o‘z-o‘zini anglash kabi muhim mavzular bilan bog‘laydi.O‘qing, his eting va hayotingizga yangi qirralarni qo‘shing!